'आईचा गळा कापून, बाबाचीही आत्महत्या'

सातारा:महाबळेश्वरमध्ये फिरायला आलेल्या पती-पत्नीमध्ये वाद झाल्याने संतप्त झालेल्या पतीने पत्नीची गळा कापून हत्या केली. त्यानंतर त्यानेही आत्महत्या केल्याने खळबळ उडाली असून पर्यटकांमध्ये भीतीचं वातावरण निर्माण झालं आहे. हा सगळा प्रकार त्यांच्या ११ वर्षाच्या मुलासमोरच घडल्याने या मुलाला मोठा धक्का बसला आहे. अनिल सुभाष शिंदे आणि सीमा शिंदे असं या जोडप्याचं नाव आहे. ते पुण्यातल्या धानोरीमधील विश्रांतवाडीमध्ये राहणारे आहेत. ते त्यांचा मुलगा आदित्यसह महाबळेश्वरला फिरायला आले होते. एका हॉटेलमध्ये हे कुटुंब उतरले होते. यावेळी अनिल शिंदे आणि त्यांची पत्नी सीमा शिंदे यांच्यात वाद झाला. हा वाद शिगेला पोहोचल्याने संतप्त झालेल्या अनिलने पत्नीवर चाकूने सपासप वार करून तिची गळा कापून हत्या केली. त्यानंतर त्यानेही आत्महत्या करण्याचा प्रयत्न केला. अनिलला दवाखान्यात उपचारासाठी दाखल करण्यात आले असता उपचारादरम्यान त्याचा मृत्यू झाला. हा सगळा प्रकार आदित्यने पाहिल्याने त्याला धक्का बसला आहे. बाबाने आईवर आधी वार चाकूने वार केले आणि नंतर स्वत: आत्महत्या केली, असं तो सांगतो.दरम्यान, पोलिसांनी घटनास्थळी धाव घेऊन सीमा शिंदे यांचा मृतदेह ताब्यात घेऊन शवविच्छेदनासाठी पाठवला आहे. तसेच घटनास्थळावरून चाकू ताब्यात घेतला आहे. पोलिसांनी या प्रकरणाचा तपास सुरू केला असून आदित्यचीही चौकशी करण्यात येणार असल्याचं सूत्रांनी सांगितलं.मोबाईल अॅप डाउनलोड करा आणि राहा अपडेट

from Maharashtra Times https://ift.tt/2rjuwZU