अखेर पुणे-सिंगापूर विमान आजपासून उडणार

म. टा. प्रतिनिधी, पुणेपुण्यावरून आज, शनिवारपासून पुणे-सिंगापूर थेट विमानसेवेला सुरू होत असून तिला प्रवाशांचा भरघोस प्रतिसाद मिळेल, असा विश्वास शुक्रवारी विविध क्षेत्रांतील मान्यवरांनी व्यक्त केला. पुणे आणि सिंगापूर या दोन्ही शहरांचे फार पूर्वीपासून संबंध आहेत. सध्या भारतातून सिंगापूरला जाणाऱ्या प्रवाशांमध्ये पुणेकरांची संख्या उल्लेखनीय आहे, त्यामुळे या विमानसेवेचे स्वागत केले जात आहे.'जेट एअरवेज'च्या माध्यमातून पुणे-सिंगापूर सेवा सुरू करण्यात येत आहे. पुण्याहून थेट परदेशात जाणारा सिंगापूर हा पाचवा मार्ग ठरणार आहे. या मार्गाची औपचारिक घोषणा करण्यासाठी लोहगाव विमानतळ येथे पत्रकार परिषदेचे आयोजन करण्यात आले होते. या वेळी खासदार व विमानतळ सल्लागार समितीचे अध्यक्ष अनिल शिरोळे, राज्य सरकारच्या नागरी विमान वाहतूक सचिव वलसा नायर सिंग, राज्यसभेचे खासदार संभाजीराजे छत्रपती, विमानतळ संचालक अजय कुमार, सिंगापूर पर्यटन मंडळाचे प्रादेशिक संचालक जी. बी. श्रीथर आणि 'जेट एअरवेज'चे मुख्य कार्यकारी अधिकारी विनय दुबे आदी या वेळी उपस्थित होते.'पुरंदर'साठी डेडलाइन नाहीपुरंदर येथील प्रस्तावित विमानतळाचे प्रत्यक्ष भू-संपादन आणि काम सुरू होण्यास विलंब लागत आहे. विमानतळाच्या घोषणेपासून जवळपास दोन वर्षे झाली, मात्र अद्याप प्रत्यक्षात काहीच काम सुरू नाही. त्यामुळे विमानतळाचे काम 'डेडलाइन'मध्ये पूर्ण होणार का, असा प्रश्न वलसा नायर सिंग यांना विचारला असता, त्या म्हणाल्या, 'आतापर्यंत पुरंदर विमानतळासाठी आवश्यक सर्व मान्यता, ना-हरकत प्रमाणपत्रे मिळविण्यात आली आहेत. आता भू-संपादनाचा विषय बाकी आहे. मात्र, विमानतळासाठी अशी कोणतीही 'डेडलाइन' निश्चित केलेली नाही.'पुणे-सिंगापूर थेट सेवा महत्त्वाची का?- सिंगापूरला येणाऱ्या परदेशी प्रवाशांच्या यादीत भारत चौथ्या स्थानावर- भारतातून सिंगापूरला जाणाऱ्या प्रवाशांत पुणेकरांची संख्या उल्लेखनीय- २०१७ वर्षात ३६ हजार पुणेकर सिंगापूरला गेले होते- पूर्वेकडील ऑक्सफर्ड म्हणून ओळखले जाणारे पुणे झपाट्याने वाढतेय- शिक्षण, उत्पादन, पर्यटन, अभियांत्रिकी आणि आयटी या क्षेत्रांसाठी ही नवी सेवा फायदेशीर- औरंगाबाद, नगर, सोलापूर, कोल्हापूर, सांगली, सातारा, कराड येथील प्रवाशांना सिंगापूर विमानसेवा सोयीचीपाचशे किलो मिठाईही जाणारलोहगाव विमानतळ‌ावर देशांतर्गत आणि आंतरराष्ट्रीय कार्गो सेवा सुरू करण्यात आली आहे. त्यामुळे जेट एअरवेजच्या पुणे-सिंगापूर विमानातून प्रवाशांसह पुण्यातील पाचशे किलो मिठाई सिंगापूरला पाठविण्यात येणार आहे, अशी माहिती विनय दुबे यांनी दिली. तसेच, येत्या काळात कार्गो सेवेवरही भर दिला जाणार असल्याचे त्यांनी सांगितले.पुणे ते सिंगापूर (क्रमांक- ९ डब्ल्यू २२)पुणे प्रस्थान- पहाटे ५.१० (भारतीय प्रमाण वेळ) सिंगापूर पोहोचणार- दुपारी १.१५ (सिंगापूर स्थानिक वेळ) सिंगापूर-पुणे (क्रमांक- ९ डब्ल्यू २१)सिंगापूर प्रस्थान- रात्री ९ (सिंगापूर स्थानिक वेळ)पुण्यात दाखल- मध्यरात्री १२.०५ (भारतीय प्रमाण वेळ) मोबाईल अॅप डाउनलोड करा आणि राहा अपडेट

from Maharashtra Times https://ift.tt/2PbBE44