ट्रेन १८ ठरली भारताची सर्वात वेगवान रेल्वे

नवी दिल्ली :भारतीय रेल्वेची पहिली इंजिनविरहित ट्रेन विक्रमी वेगाने धावली आहे. ट्रेन - १८ चाचणीच्या वेळी १८० किलोमीटर प्रति तासपेक्षाही जास्त वेगाने धावली. या ट्रेनने देशातली सर्वाधिक वेगवान ट्रेन असा विक्रम केला आहे. या ट्रेनचा कमाल वेग २२० कि.मी. प्रति तास आहे. यापूर्वी टॅल्गो ट्रेन १८० च्या वेगाने धावली होती, पण ती स्पेनची ट्रेन होती. सध्या दिल्ली ते झाँसी दरम्यान धावणारी गतिमान एक्सप्रेस भारताची सर्वाधिक वेगवान ट्रेन आहे. तिचा वेग १६० कि.मी. प्रति तास आहे.ट्रेन - १८ ची चाचणी दिल्ली-मुंबई राजधानीच्या मार्गावर होत आहे. शनिवारी ट्रेन १७० कि.मी. प्रति तास वेगाने धावली तर रविवारी १८० कि.मी. प्रति तास वेगाचा नवा विक्रम या ट्रेनने बनवला. या ट्रेनचा एक व्हिडिओही रेल्वेमंत्री पियुष गोयल यांनी टि्वट केला आहे. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2BKDWUe