विनयभंग: इमारतीवरून उडी मारून आत्महत्या

ठाणे:विनयभंगप्रकरणी गेल्या आठवड्यात अटक करण्यात आलेले एका खासगी कंपनीतील अधिकारी अभिशेष शर्मा यांनी इमारतीच्या २५ व्या मजल्यावरून उडी मारून आत्महत्या केल्याची धक्कादायक घटना घडली आहे. बदनामी झाल्यामुळे तणावात असल्यानेच शर्मा यांनी आत्महत्या केल्याचं पोलीस सूत्रांनी सांगितलं.अभिशेष शर्मा हे एका खासगी कंपनीत कार्यरत होते. कंपनीतील एका सहकारी महिलेचा विनयभंग केल्याप्रकरणी २७ नोव्हेंबर रोजी ठाणे गुन्हे अन्वेषण विभागाने त्यांना अटक केली होती. अभिशेष या सहकारी महिलेला वारंवार फोन करायचा. तसेच तिला मेसेजही करायचा. त्यामुळे तिने त्याला ब्लॉक केल्यानंतर त्याने तिला मेल पाठवायला सुरुवात केली. तसेच तिच्या नातेवाईकांना सांगून त्याच्याशी बोलण्याचा आग्रह धरला, असं पोलीस सूत्रांनी सांगितलं. तर अभिशेष यांचे वडील रामनिरंजन यांनी अभिशेषने कुणालाही मानसिक त्रास दिला नसून तो निरपराध असल्याचं स्पष्ट केलं. मंगळवारी जामिनावर सुटल्यानंतर रात्री साडे आठच्या सुमारास अभिशेषने इमारतीतील खिडकीतून उडी मारून आत्महत्या केल्याचं कापूरबावडी पोलिसांनी सांगितलं. दरम्यान, रामनिरंजन यांनी अभिशेषची पत्नी पोर्णिमा हिच्यावर गंभीर आरोप केला आहे. अभिशेष जामिनावर सुटल्यावर घरी येईपर्यंत पौर्णिमा त्याच्याशी वाद घालत होती. त्यामुळे तो तणावात होता. तो जामिनावर सुटल्यावर त्याला कोणताही त्रास देऊ नका, असं वकिलांनी बजावलं होतं. मात्र तरीही तिने त्याकडे दुर्लक्ष करत रिक्षात त्याच्याशी वाद घातल्याचा आरोप अभिशेष यांनी केला. घरी आल्यावर तिने त्याला मारहाण केली. मी मध्यस्थी करण्याचा प्रयत्न केला असता अभिशेषने मला मध्यस्थी करण्यापासून रोखलं, असंही ते म्हणाले.तर आम्ही अपघाती मृत्यू म्हणून या प्रकरणाची नोंद केली आहे. मात्र अभिशेषच्या नातेवाईकांची त्याच्या पत्नीबद्दलची तक्रार आहे. तिने अभिशेषला मारहाण केल्याचं त्यांनी म्हटलंय. आम्ही कबुलीजबाब नोंदवून घेतला आहे, असं कपूरबावडी पोलीस ठाण्याचे वरिष्ठ पोलीस निरीक्षक अनिल देशमुख यांनी सांगितलं.मोबाईल अॅप डाउनलोड करा आणि राहा अपडेट

from Maharashtra Times https://ift.tt/2AVSFd9