म्हाडाचा दिलासा; अनामत रक्कमेत कपात होणार

- घरांसाठी अर्ज करणे होणार स्वस्त- म्हाडाच्या पुढील योजनांमध्ये अमलबजावणी- अर्जदारांचा आर्थिक भार कमी म. टा. खास प्रतिनिधी, मुंबईम्हाडाकडून भविष्यातील घरांच्या सोडतीत एकाच गटांतील अर्जदारांना त्याच अनामत रकमेत वेगवेगळ्या प्रकल्पांतील घरांसाठी अर्ज करण्याची नवीन सुविधा उपलब्ध होणार आहे. घरांच्या सोडतीसाठी अनामत रक्कमही कमी होणार आहे. त्यामुळे एकाच अर्जापुरती अनामत रक्कम भरतानाही अर्जदारांची उडणारी तारांबळ आता संपुष्टात येईल. १६ डिसेंबर रोजी म्हाडाच्या १,३८४ घरांसाठी जाहीर होणारी सोडत १०० टक्के पारदर्शक पद्धतीने पार पडेल, असा विश्वास शुक्रवारी म्हाडातर्फे व्यक्त करण्यात आला.म्हाडा आणि घरांची सोडत हा जिव्हाळ्याचा विषय असल्याने प्राधिकरणाने मानवी हस्तक्षेपाशिवाय सोडत कशाप्रकारे जाहीर करण्यात येईल, याची माहिती दिली. घरांची सोडत काढताना ती पूर्णपणे पारदर्शक असण्याविषयी आग्रही भूमिका असून, त्या दृष्टीने अद्ययावत तयारी करण्यात आल्याचे म्हाडाचे अध्यक्ष उदय सामंत यांनी स्पष्ट केले. घरांच्या सोडतीत अर्ज भरताना अनामत रक्कम कमी करण्याबाबत प्राधिकरणाच्या बैठकीत विचारविनिमय होउन निर्णय घेतला जाणार आहे. त्यामुळे अनामत अर्ज रक्कमेसाठीही कर्ज घ्यावा लागणाऱ्या हजारो इच्छुकांपुढील आर्थिक ताण कमी होईल. त्याचबरोबर एकाच आर्थिक गटातील अर्जदारांना निरनिराळ्या भागांतील गृहसंकुलातील घरांसाठी स्वतंत्रपणे अनामत रक्कम भरण्याची मुभा देण्यात येणार आहे. एकाच आर्थिक गटातील इच्छुकांना सोडतीत क्रमांक न लागल्यास वर्षांनुवर्षे प्रतीक्षा करावी लागते. त्याची दखल घेत त्यातही बदल करण्याचा निर्णय घेतला जाईल, सामंत यांनी नमूद केले. सध्याच्या प्रतीक्षा यादीत असलेले एकास एक पद्धतीचे प्रमाण वाढवले जाईल.दलालांपासून सावध राहावेसंभाव्य फसवणूक लक्षात घेत इच्छुकांनी दलालांपासून सावध राहण्याचे आवाहन सामंत यांनी केले आहे. त्याचप्रमाणे दलालांवर नियंत्रण ठेवण्यासाठी दक्षता अधिकाऱ्यांमध्ये वाढ करण्याची आवश्यकता असून त्यासाठी सरकारकडे पाठपुरावा सुरू केला आहे. ..महाग घरांसाठीही मागणीम्हाडाने उच्चभ्रू वर्गांसाठी ग्रँट रोड येथे दोन घरे राखीव ठेवली असून त्यांची किंमत प्रत्येकी पाच कोटी ३० लाख रुपये इतकी आहे. त्यासाठी १३० जणांनी अर्ज केले असल्याचीही माहिती देण्यात आली. ..१,३६,२३३ अर्जम्हाडाच्या घरांच्या सोडतीसाठी ७ डिसेंबर सायंकाळपर्यंत एक लाख ३६ हजार २३३ इतके अर्ज आले आहेत. त्यातील नोंदणी झालेल्या अर्जांची संख्या एक लाख १७ हजार ४६७ इतकी आहे. अर्जासाठी अंतिम तारीख १० डिसेंबर असून त्यानंतर कोणतेही अर्ज स्वीकारले जाणार नाहीत...अनामत रक्कमअत्यल्प उत्पन्न गटासाठी - ५,३३६ रुपयेअल्प गटासाठी - २५,३३६ रुपयेमध्यम गटासाठी - ५०,३३६ रुपयेउच्च गटासाठी ७५,३३६ रुपये मोबाईल अॅप डाउनलोड करा आणि राहा अपडेट

from Maharashtra Times https://ift.tt/2Qhrkg4