'आस्कदिशा'ने सोडवल्या २० लाख तक्रारी

दिल्ली: भारतीय रेल्वेचे आयआरसीटीसी हे वेब पोर्टल अधिकाधिक ग्राहककेंद्री करण्यासाठी सुरू करण्यात आलेल्या आस्कदिशा या चॅटबॉटने नवीन उच्चांक गाठला आहे. २ महिन्यात २० लाख ग्राहकांच्या समस्यांचे निरसन केलं आहे. तसंच आस्कदिशामुळे आयआरसीटीसीला मिळणाऱ्या जाहीरातींमध्ये घवघवीत वाढ झाली आहे. आयआरसीटीसीच्या सेवा आणि सुविधांविषयी लोकांना पडणारे प्रश्न आणि समस्या सोडवण्यासाठी दोन महिन्यांपूर्वी आस्कदिशा हे चॅटबॉट सुरू करण्यात आले. आस्कदिशा दिवसाचे २४ तास सुविधा पुरवत असून ग्राहकांच्या प्रश्नांचे आणि समस्यांचे निरसन करण्याचे काम आस्कदिशा करत आहे. कोरॉवर या स्टार्टअपने आस्कदिशाती निर्मिती केली आहे. कोरॉवरचे सीईओ अंकुश सब्रवाल म्हणाले, ' आतापर्यंत आम्हाला दीड लाख अभिप्राय मिळाले असून बहुतांशी सकारात्मक आहेत. आम्ही आतापर्यंत आलेल्या सर्व प्रश्नांना उत्तर देण्याचा विक्रम साधला आहे'. २ महिन्यांत ४० टक्के नवीन ग्राहक या चॅटबॉटवर आले तर ६० टक्के ग्राहक पुन्हा परतले. ६६.८ टक्के पुरुषांनी तर ३३.२ % महिलांनी आस्कदिशावर प्रश्न विचारले. प्रश्न विचारणाऱ्यांमध्ये ७५ टक्के तरूण होते. प्रत्येक प्रश्नाला अर्ध्या सेकंदाच्या आत उत्तर मिळत होते. यामुळे आयआरसीटीच्या कारभारात अधिक पारदर्शकता आली आहे. आस्कदिशाचे फिचर्स-२४ तास सेवा पुरवणार-सर्व प्रश्नांची उत्तरे देणार-उत्कृष्ट वेग आणि अचूकपणा-ऑटोरिप्लायची सुविधा-एकाचवेळी लक्षावधी प्रश्नांची उत्तरं देण्याची क्षमता मोबाईल अॅप डाउनलोड करा आणि राहा अपडेट

from Maharashtra Times https://ift.tt/2SxPSht