'सर्जिकल स्ट्राइकचा प्रमाणापेक्षा जास्त प्रचार'

चंदीगड:भारतीय लष्करानं पाकव्याप्त काश्मीरमध्ये केलेल्या सर्जिकल स्ट्राइकचा इतका प्रचार करण्याची गरज नव्हती, असं मत लेफ्टनंट जनरल (निवृत्त) डी. एस. हुडा यांनी व्यक्त केलं आहे. त्यावर हुडा यांचं मत वैयक्तिक असून, त्यावर मी कोणतीही प्रतिक्रिया देऊ शकत नाही, असं लष्करप्रमुख बिपिन रावत म्हणाले.भारतीय लष्कराच्या जवानांनी दोन वर्षांपूर्वी पाकव्याप्त काश्मीरमध्ये सर्जिकल स्ट्राइक केला होता. या कारवाईत जवानांनी दहशतवादी अड्डे उद्ध्वस्त केले होते. तसंच अनेक दहशतवाद्यांना कंठस्नान घातलं होतं. मात्र, सर्जिकल स्ट्राइकचा प्रमाणापेक्षा जास्त प्रचार केला गेला. लष्कराची ही कारवाई महत्वाची होती आणि आम्हाला ती यशस्वी करायची होती. पण त्यावर किती राजकारण झालं. ते योग्य की अयोग्य हे राजकीय पक्षांच्या नेत्यांना विचारायला हवं, असं हुडा म्हणाले. प्रत्यक्ष नियंत्रण रेषेवरील कारवायांबाबत माध्यमांच्या प्रतिनिधींनी विचारलेल्या प्रश्नांवर हुडा यांनी ही प्रतिक्रिया दिली. त्यावर लष्करप्रमुख रावत यांनी आपलं म्हणणं मांडलं. हुडा यांचं मत व्यक्तिगत असून, त्यावर काही बोलू शकत नाही. सर्जिकल स्ट्राइक यशस्वी करणाऱ्या व्यक्तींमध्ये हुडादेखील आहेत. त्यामुळं मी त्यांच्या मताचा आदर करतो, असं ते म्हणाले.मोबाईल अॅप डाउनलोड करा आणि राहा अपडेट

from Maharashtra Times https://ift.tt/2RK2Jxg