‘आयआयटी’त शिक्षक तुडवडा

वृत्तसंस्था, इंदूरकठोर प्रवेशपरीक्षा पास करून प्रमुख भारतीय तंत्रज्ञान संस्थांमध्ये (आयआयटी) प्रवेश मिळवलेल्या सुमारे ६६ हजार विद्यार्थ्यांना सध्या शिक्षकांच्या तुटवड्याचा सामना करावा लागत आहे. आयआयटी मुंबईसह देशातील आठ 'आयआयटीं'मध्ये शिक्षकांच्या जवळपास ३६ टक्के जागा रिक्त असल्याचे माहितीच्या अधिकारातून मिळालेल्या तपशिलात स्पष्ट झाले आहे.मुंबई, दिल्ली, गुवाहाटी, कानपूर, खरगपूर, चेन्नई (मद्रास), रूरकी आणि वाराणसीस्थित आयआयटींमध्ये सध्या ६५ हजार ८२४ विद्यार्थी शिक्षण घेत आहेत. या संस्थांसाठी शिक्षकांच्या सहा हजार ३१८ जागांना मंजुरी मिळाली आहे. मात्र, इथे शिकवणाऱ्या शिक्षकांची संख्या चार हजार ४९ आहे. या आठ संस्थांमध्ये विद्यार्थी-शिक्षक गुणोत्तर १६:१ म्हणजे १६ विद्यार्थ्यांमागे एक शिक्षक असणे अपेक्षित असताना इथे दोन हजार २६९ म्हणजेच सुमारे ३६ टक्के पदे रिक्त आहेत. मध्य प्रदेशमधील आरटीआय कार्यकर्ता चंद्रशेखर गौड यांनी केंद्रीय मनुष्यबळ विकास मंत्रालयाकडे मागितलेल्या माहितीतून ही आकडेवारी समोर आली आहे.देशातील आयआयटींची संख्या सध्या २३वर पोहोचली असताना, आठ संस्थांमधील शिक्षकांच्या तुडवड्याची आकडेवारी चिंतीत करणारी असल्याचे तज्ज्ञांचे मत आहे. प्रतिष्ठित संस्थांमध्ये अशी स्थिती असेल, नव्या आयआयटींची स्थिती काय असेल याचा अंदाज येऊ शकतो. आयआयटींमधील शिक्षकांच्या कमतरतेला सरकारने सर्वोच्च प्राधान्य देऊन त्यावर तातडीने उपाय योजणे आवश्यक आहे. कारण यामुळे या संस्थांच्या शैक्षणिक गुणवत्तेवर परिणाम होण्याची शक्यता आहे, असेही या तज्ज्ञांनी नमूद केले....आठ आयआयटींमधील शिक्षकस्थितीसंस्था रिक्त जागा (%)आयआयटी वारणसी ५२आयआयटी खरगपूर ४६आयआयटी रुरकी ४२आयआयटी कानपूर ३७आयआयटी दिल्ली २९आयआयटी मद्रास २८आयआयटी मुंबई २७आयआयटी गुवाहाटी २५...वाराणसीत गंभीर स्थितीशिक्षकांच्या तुटवड्याच्या बाबतीत वाराणसीतील आयआयटी 'बीएचयू'मध्ये तुलनेने स्थिती अधिक गंभीर आहे. इथे विविध अभ्यासक्रमांमध्ये सुमारे पाच हजार ४८५ विद्यार्थी शिक्षण घेत आहेत. या प्रतिष्ठित संस्थेसाठी ५४८ शिक्षकपदांना मंजुरी असली तरी केवळ २६५ शिक्षक कार्यरत आहेत. अर्थात, २८३ पदे म्हणजेच ५२ टक्के जागा रिक्त आहेत. सरासरीनुसार या संस्थेत २१ विद्यार्थ्यांमागे एक शिक्षक आहे. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2rj6Cxs