अश्विनचा सामना करण्यासाठी ट्रॅव्हिसची योजना

वृत्तसंस्था, अॅडलेडआगामी कसोटी मालिकेत भारताचा फिरकी गोलंदाज रविचंद्रन अश्विनचा यशस्वी सामना करण्यासाठी ऑस्ट्रेलियाचा डावखुरा फलंदाज ट्रॅव्हिस हेड हा दक्षिण ऑस्ट्रेलियाचा फलंदाज हॅरी निल्सनची मदत घेणार आहे. निल्सनने नुकत्याच झालेल्या भारताविरुद्धच्या सराव सामन्यात क्रिकेट ऑस्ट्रेलिया इलेव्हन संघाकडून खेळताना शतकी खेळी केली होती. हेड म्हणाला, 'हॅरी निल्सनने सराव सामन्यात उत्कृष्ट खेळला. त्यामुळे मी अश्विनच्या गोलंदाजीचा सामना कसा करावा, यासाठी त्याच्याशी संवाद साधला.' अश्विन हा डावखुऱ्या फलंदाजांना अडचणीत आणत असतो. सध्याच्या ऑस्ट्रेलियन संघात चार डावखुरे फलंदाज आहेत. याबाबत बोलताना हेड म्हणाला, 'आयपीएलमध्ये मी अश्विनविरुद्ध खेळलो आहे. मात्र, कसोटी मला त्याच्याविरुद्ध खेळण्याचा अनुभव नाही. अर्थात, आमच्या संघातील फलंदाजांची फिरकी यशस्वी सामना करण्याची क्षमता आहे. मात्र, या लढतीत केवळ एका फिरकी गोलंदाजाचा प्रश्न नाही. आमच्या संघात सहा फलंदाज असे आहेत, जे डावखुरे नाहीत. ते रवींद्र जडेजासारख्या गुणी गोलंदाजाविरुद्ध चांगला सामना करतील. त्यामुळे ही कसोटी मालिका चुरशीची होईल.'विराटवर दबाव आणणारऑस्ट्रेलियन गोलंदाज भारताचा कर्णधार विराट कोहलीवर दबाव आणतील, असा विश्वासही हेडने व्यक्त केला. कोहलीने यापूर्वी दोन वेळा ऑस्ट्रेलिया दौरा केला आहे. त्याने ऑस्ट्रेलियात आठ कसोटी सामन्यांत ५ शतकांसह ६२च्या सरासरीने ९९२ धावा केल्या आहेत. हेड म्हणाला, 'आमच्या तीन वेगवान गोलंदाजांचा सामना करणे कोहलीसाठी सोपे नसेल. सरतेशेवटी तोदेखील एक मनुष्यच आहे. त्याच्यावर पुरेसा दबाव टाकला, त्याच्या निश्चितच परिणाम होईल. तो एक अफलातून फलंदाज आहे, याची आम्हाला कल्पना आहे. पण जगातील सर्वोत्तम गोलंदाजांचा ताफा आमच्याकडे आहे.'शब्दापेक्षा कामगिरीने उत्तर देऊया मालिकेत स्लेजिंगबाबतही उत्सुकता आहे. मात्र, हेडला शब्दापेक्षा कामगिरीने प्रत्युत्तर द्यायला आवडते. तो म्हणाला, 'मी फार काही कसोटी सामने खेळलेलो नाही आणि वन-डेत तर मी सीमेरेषेवर क्षेत्ररक्षणाला असतो. त्यामुळे त्या जागेवरून बडबड करणे सोपे नसते. पण, मला विश्वास आहे की आमचा भर आक्रमक क्रिकेटवर असणार आहे. शब्दापेक्षा कामगिरीने आम्ही प्रत्युत्तर देऊ.' मोबाईल अॅप डाउनलोड करा आणि राहा अपडेट

from Maharashtra Times https://ift.tt/2zGLyWl