आता काजू बोंडांपासून होणार इथेनॉल, सीएनजी

म. टा. प्रतिनिधी, मुंबईकोकणातील सिंधुदुर्ग, रत्नागिरी आणि पश्चिम महाराष्ट्रातील कोल्हापूर जिल्ह्यात काजूचे उत्पादन मोठ्या प्रमाणात होत असून, काजूच्या बोंडांपासून इथेनॉल आणि सीएनजीचे उत्पादन करण्यासाठी या तीन जिल्ह्यांत पथदर्शी प्रकल्प राबविण्याचा सरकारचा मानस आहे. त्याचा अभ्यास करण्यासाठी राज्य सरकारने पुण्यातील पणन विभागाच्या संचालकांच्या अध्यक्षतेखाली दहा जणांची समिती स्थापन केली आहे. ही समिती ६० दिवसांत राज्य सरकारला अहवाल देणार आहे.राज्यात काजू बी व्यतिरिक्त काजू बोंडांचे सुमारे २२ लाख मेट्रिक टन उत्पादन होत असून, त्यावर कोणतीही प्रक्रिया केली जात नाही. काजू बोंडांच्या रसापासून फेणी, वाइन, इथेनॉल, सीएनजी, व्हाइट स्पिरीट आदी उपपदार्थांची निर्मिती करता येते. त्याच्या चोथ्यापासून फायबर, पोल्ट्रीसाठी खाद्य, पशुखाद्य निर्माण करणे शक्य असल्याचेही संशोधनात दिसून आले आहे. त्यामुळे काजू बोंडांपासून इथेनॉल आणि सीएनजीचे उत्पादन करण्यासाठी त्या तीन जिल्ह्यांत पथदर्शी प्रकल्प राबविण्याचा सरकारचा मानस आहे. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2QlaYmP