राणेंशी हातमिळवणी नाहीच; काँग्रेसची भूमिका

‌म. टा. विशेष प्रतिनिधी, मुंबईमाजी मुख्यमंत्री नारायण राणे यांनी भाजप पासून फारकत घेण्यास सुरुवात केली असून आगामी लोकसभा निवडणुकीत राष्ट्रवादी काँग्रेसशी हातमिळवणी करण्याचे ठरवले आहे. मात्र या कोकणात होऊ घातलेल्या राष्ट्रवादी व राणे यांच्या आघाडीला काँग्रेसने विरोध केला आहे. राणे यांनी काँग्रेसचा त्याग करून भाजपशी जवळीक साधली होती. त्या बदल्यात राणे यांना राज्यसभेची खासदारकी मिळाली. शिवसेना लोकसभा आणि विधानसभा निवडणुकीत वेगळी लढली तर राणेंसोबत युती करण्याची भाजपची रणनीती आहे. पण गेल्या काही दिवसांपासून भाजप आणि शिवसेनेची जवळीक वाढली आहे. त्यामुळे राणेंची राजकीय कोंडी झाली आहे. यातून बाहेर पडण्यासाठी राष्ट्रवादीशी युती करण्याचा पर्याय राणेंपुढे आहे. राष्ट्रवादीचे अध्यक्ष शरद पवार यांनी राणेंच्या कणकवली येथील घरी भेट दिली. यामुळे राष्ट्रवादी व राणे एकत्र येणार असल्याचे वारे वाहू लागले. मात्र काँग्रेसने राणेंना आघाडीत घेण्यास विरोध केला आहे. याबाबत काँग्रेसचे प्रदेशाध्यक्ष अशोक चव्हाण यांच्याशी संपर्क साधला असता ते म्हणाले, कोकणातील काँग्रेसच्या कार्यकर्त्यांचा राणेंना पुन्हा सोबत घेण्यास विरोध आहे. त्यामुळे अशा प्रकारच्या हातमिळवणीस काँग्रेसचा विरोध असेल. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2RPZhRy