दूध वितरणप्रश्न तातडीने सोडवण्याची मागणी

म. टा. प्रतिनिधी, मुंबईप्लास्टिक पिशव्यांच्या बंदीमुळे दूध पिशव्यांऐवजी बाटलीतून द्यायचे झाल्यास ग्राहकांना १० ते १५ रुपयांचा जादा भुर्दंड बसण्याची भीती असतानाच या प्रश्नावर मार्ग काढण्यासाठी सरकारने तातडीने बैठक आयोजित करावी, अशी मागणी महाराष्ट्र राज्य दूध उत्पादक कृती समितीने केली आहे.दूध उत्पादकांकडून दूध टँकरने येते. डेअरींमध्ये हे दूध प्लास्टिक पिशव्यांमध्ये पॅक केले जाते. पिशव्या बंद झाल्यास त्यांना दूध बाटल्यांमधून पुरवावे लागेल किंवा त्याची जबाबदारी अन्य यंत्रणेकडे द्यावी लागेल. परंतु, हा मामलाही खर्चिक आहे. प्लांट टाकण्यासाठी गुंतवणूक कोण करणार हा कळीचा मुद्दा आहे. बाटल्यांमधून दूध पुरवठा करायचा झाल्यास विशिष्ट प्रकारचे क्रेट लागतील, वाहतूक खर्चही वाढेल, अशा समस्या आहेत. ही जबाबदारी कोणी घेतली नाही तर शेतकऱ्यांकडून दूध संकलन केलेच जाणार नाही. परिणामी शेतकरी व ग्राहक या दोघांनाही फटका बसण्याची शक्यता आहे.'टेट्रा पॅक'ही अव्यवहार्यपरदेशात टेट्रा पॅकमधून दूध दिले जाते. परंतु, टेट्रा पॅकमध्येही प्लास्टिक असते. या प्लास्टिकची विल्हेवाट कशी लावणार, असा सवाल दादर येथील दूधवितरक श्रीनाईक यांनी केला. पूर्वी दुधाच्या बाटल्या फेरवापरासाठी पुन्हा डेअरीत जायच्या, पण ती यंत्रणा मोडीत निघून आता जमाना झाला आहे. त्यामुळे नव्याने अशी यंत्रणा कोण उभारणार, असेही ते म्हणाले. त्याशिवाय, ५० टक्के दुधाच्या पिशव्यांचा फेरवापर होतो याकडेही त्यांनी लक्ष वेधले.पर्याय काय?प्लास्टिक पिशवी बंद केल्यास दूध वितरणाला पर्याय काय, अशी विचारणा महाराष्ट्र राज्य दूध उत्पादक कृती समितीचे विनायक पाटील यांनी केली. बाटलीतून दूध दिले तर खर्चिक प्रकरण होईल. ग्राहकांनाही ते परवडणार नाही. त्यांच्याकडून मागणी कमी झाल्यास शेतकऱ्यांकडून दूध घेतले जाणार नाही, अशी समस्या निर्माण होऊ शकते. त्यामुळे या प्रकरणी तोडगा काढण्यासाठी सरकारने तत्काळ बैठक बोलवावी, अशी मागणी त्यांनी केली. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2QjkSFn