भाजपच्या रथाला अटकाव?; Exit Polls निष्कर्ष

म. टा. विशेष प्रतिनिधी, मुंबईपाच राज्यांच्या विधानसभा निवडणुकीच्या एग्झिट पोलमध्ये भाजपला अटीतटीला सामोरे जावे लागत असल्याचे समोर आले आहे. भाजपसाठी सर्वात महत्त्वाची राज्ये असलेल्या राजस्थान व मध्य प्रदेशातील निकाल काँग्रेसला शक्ती देणारे ठरण्याचा निष्कर्ष एग्झिट पोलमधून वर्तवण्यात आला आहे.विधानसभेच्या २३० जागा असलेल्या मध्य प्रदेशात काँग्रेसला भाजपची पंधरा वर्षांची सत्ता संपुष्टात आणण्याची संधी विविध एग्झिट पोलवरून दिसत आहे. मध्य प्रदेशात मुख्यमंत्री शिवराजसिंह चौहान यांच्या नेतृत्वाखाली पंधरा वर्षांपासून सत्तेत असलेल्या भाजपवर काँग्रेस धक्कादायक विजय नोंदविण्याची शक्यता एबीपी न्यूज- लोकनीती सीएसडीएस, इंडिया न्यूज-एमपी नेता, न्यूज नेशनने वर्तवली आहे, तर टाइम्स नॉऊ- सीएनएक्स, रिपब्लिक टीव्ही- जन की बात यांच्या एग्झिट पोलमध्ये भाजप सलग चौथ्यांदा सत्तेत येण्याची शक्यता व्यक्त करण्यात आली आहे. इंडिया टुडे-अॅक्सिस माय इंडियानेभाजप आणि काँग्रेसला सत्तेत येण्याची समान संधी असल्याचे भाकित वर्तवले आहे.राजस्थानमध्ये काँग्रेसचे पुनरागमनविधानसभेच्या दोनशे जागा असलेल्या राजस्थानमध्ये मात्र काँग्रेसचा विजय होणार असल्याचे भाकित एबीपी न्यूज- लोकनीती सीएसडीएस, इंडिया टुडे-अॅक्सिस माय इंडिया, टाइम्स नॉऊ-सीएनएक्स, न्यूज नेशनने वर्तवले आहे. कोणत्याही एग्झिट पोलमध्ये भाजप सत्ता राखणार असल्याचा अंदाज व्यक्त करण्यात आलेला नाही.छत्तीसगढमध्ये कोणाची सरशी? विधानसभेच्या ९० जागा असलेल्या छत्तीसगढमध्ये पंधरा वर्षांपासून सत्तेत असलेले मुख्यमंत्री रमण सिंह यांची सत्ता संपुष्टात आणण्यासाठी काँग्रेसला जबरदस्त संघर्ष करावा लागत असल्याचे या निष्कर्षांमधून दिसत आहे. टाइम्स नाऊ- सीएनएक्स, एबीपी न्यूज-लोकनीती सीएसडीएस, इंडिया न्यूज-एमपी नेता आणि इंडिया टीव्ही अशा चार एग्झिट पोलमध्ये पुन्हा भाजपचीच सत्ता येणार असल्याचा निष्कर्ष काढण्यात आला आहे. इंडिया टुडे-अॅक्सिस माय इंडिया, न्यूज नेशन, रिपब्लिक टीव्ही-जन की बात, न्यूज २४- पेस मीडिया अशा चार एग्झिट पोलमध्ये काँग्रेसची सत्ता येण्याचे संकेत दिले आहेत. तेलंगणमध्ये के. चंद्रशेखर राव विधानसभेच्या ११९ जागा असलेल्या तेलंगणमध्ये मुख्यमंत्री के. चंद्रशेखर राव यांचा तेलंगण राष्ट्र समिती पक्ष सत्ता कायम राखणार असल्याचा निष्कर्ष टाइम्स नॉऊ-सीएनएक्स, रिपब्लिक टीव्ही-जन की बात, न्यूज एक्स-एमपी नेता, इंडिया टुडे-अॅक्सिस माय इंडिया, टीव्ही-९ तेलुगु-आरा, टीव्ही-५ न्यूज या वृत्तवाहिन्यांनी काढला असून, काँग्रेस-तेलुगु देसम युती सत्तेत येणार असल्याचा अंदाज कोणीही वर्तविलेला नाही.मिझोराममध्ये काँग्रेससमोर आव्हानकाँग्रेसची सत्ता असलेल्या विधानसभेच्या ४० जागा असलेल्या मिझोराममध्ये मिझो नॅशनल फ्रंट आणि काँग्रेसमध्ये चुरस असून, मिझो नॅशनल फ्रंट बहुमताच्या आकड्यापाशी पोहोचण्याची शक्यता रिपब्लिक टीव्ही-सी वोटरच्या एग्झिट पोलमध्ये वर्तविली आहे. टाइम्स नॉऊ-सीएनएक्सच्या एग्झिट पोलमध्ये मिझो नॅशनल फ्रंटलाच संधी असल्याचे म्हटले आहे. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2RJHcF0