मोदींची ट्रम्पना धोबीपछाड! इन्स्टावर नंबर वन

नवी दिल्लीसोशल मीडियावर नेहमी सक्रिय असणारे पंतप्रधान नरेंद्र मोदी यांनी सोशल मीडियावरील लोकप्रियतेच्याबाबतीत अमेरिकेचे राष्ट्राध्यक्ष डोनाल्ड ट्रम्प यांना धोबीपछाड दिला आहे. इन्स्ट्राग्रामवर सर्वाधिक फॉलोअर्स असणारे नरेंद्र मोदी हे जगातील एकमेव नेते ठरले आहे. यापूर्वी इन्स्टाग्रामवर फॉलोअर्सच्या संख्येत पहिल्या क्रमांकावर असलेल्या ट्रम्प यांना मोदींनी मागे टाकले आहे. टिप्लोमेसीने ही यादी जाहीर केली आहे. त्यात इन्स्टाग्रामवर मोदींचे एकूण १ कोटी ५५ लाख फॉलोअर आहेत. या यादीत इंडोनेशियाचे राष्ट्रपती जोको विडोडो हे दुसऱ्या क्रमांकावर असून इन्स्टाग्रामवरील त्यांच्या फॉलोअर्सची संख्या १ कोटी ४० लाख एवढी आहे. तर मागच्या वेळेस पहिल्या क्रमांकावर असलेले डोनाल्ड ट्रम्प आता तिसऱ्या क्रमांकावर गेले असून इन्स्टावरील त्यांच्या फॉलोअर्सची संख्या १. ८ कोटी आहे. मोदी हे टेक्नोसॅव्ही असून ते नेहमीच फेसबुक, ट्विटर, इन्स्टाग्राम आदी सोशल मीडियातून तरुणांशी संवाद साधत असतात. प्रत्येक गोष्टी ते देशवासियाशी शेअर करत असल्याने त्यांना अनेकजण फॉलो करत असतात. २०१७मध्ये भारतीय क्रिकेट टीमचा कर्णधार विराट कोहली आणि बॉलिवूड अभिनेत्री अनुष्का शर्माने मोदींची भेट घेतली होती. विराट-अनुष्का बरोबरच्या मोदींच्या या फोटोंना आतापर्यंतचे सर्वाधिक लाइक आणि कमेंट्स मिळाल्या आहेत. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2RE55xN