एसटीच्या बसबांधणीला वेग

म. टा. प्रतिनिधी, औरंगाबादएसटी महामंडळाची लाल रंगाच्या बसची बांधणी बंद करण्यात आली आहे. त्याजागी आता नवीन बस कोडप्रमाणे एमएस (मेटल स्टील) बॉडीच्या बसची बांधणी सुरू करण्यात आली आहे. जून ते नोव्हेंबर २०१८ या काळात चिकलठाणा कार्यशाळेत १२१ बस तयार करण्यात आल्याची माहिती कार्यशाळेचे व्यवस्थापक उद्धव काटे यांनी दिली.औरंगाबादसह नागपूर आणि दापोडी पुणे येथे सध्या जुन्या बसची फेरबांधणी सुरू आहे. जुन्या लाल रंगाच्या बस जागी आता नवीन पद्धतीची एमएस बॉडी बस बांधणी करण्यात येत आहे. जून २०१८मध्ये लाल रंगाच्या बसची फेरबांधणी न करण्याचा निर्णय महामंडळाने घेतला होता. या जागी नवीन पद्धतीची, खासगी ट्रॅव्हल्स बससारख्या दिसणाऱ्या एमएस बॉडीच्या बसची बांधणी करण्याचा निर्णय घेण्यात आला होता. या बसच्या निर्मितीसाठी चिकलठाणा कार्यशाळेतील भंगारातून साहित्य उपलब्ध करून घेण्यात आले. याशिवाय लागणाऱ्या अन्य साहित्यांचीही व्यवस्था स्थानिक पातळीवर करण्यात आली आहे. चिकलठाणा कार्यशाळेत या सुविधा कामगारांना दिल्यामुळे कामाचा वेगही वाढत जात आहे.औरंगाबादच्या चिकलठाणा कार्यशाळेला रोज दीड बस बांधण्याचे लक्ष्य देण्यात आले आहे, मात्र उपलब्ध साहित्य आणि कामगारांनी केलेल्या कामामुळे सध्या रोज दोन बस तयार करण्यात येत आहेत. यामुळे जून ते ३० नोव्हेंबर २०१८ या कालावधीत चिकलठाणा कार्यशाळेत एमएस बॉडीच्या १२१ बस तयार करण्यात यश आले आहे, अशीही माहिती कार्यशाळेचे व्यवस्थापक उदधव काटे यांनी दिली. मार्चअखेर १४० बसचे लक्ष्यचिकलठाणा कार्यशाळेत येत्या मार्चअखेरपर्यंत १४० बस तयार करण्याचे लक्ष्य ठेवण्यात आलेले आहे. निश्चितच हा आकडा कामगार गाठतील, असाही विश्वास काटे यांनी व्यक्त केला. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2FStoXa