जगाचा निरोप घेऊन तिघांना अवयवदानाने जीवदान

यकृतासह दोन किडनी दान; एकाचवेळी प्रत्यारोपणाची शस्त्रक्रियाम.टा. विशेष प्रतिनिधी,नागपूरनागपूर-भंडारा मार्गावरील अपघातात गंभीर जखमी झालेल्या व नंतर ब्रेनडेड जाहीर झालेल्या एका तरुणाच्या कुटुंबीयांनी केलेल्या अवयवदानामुळे तीनजणांना जीवदान मिळाले. सतीश नारद बोपचे असे त्या २७वर्षीय तरुणाचे नाव आहे. सतीशचे यकृत २९वर्षीय तरुणाला देण्यात आले. यकृत व किडनी प्रत्यारोपण शस्त्रक्रिया एकाचवेळी करण्यात आली, हे विशेष.मृत्यूला कवटाळत असताना नागपूरच्या न्यू इरा रुग्णालयात रविवारी अवयवदान करण्यात आले. नागपूर-भंडारा महामार्गावरील अपघातात २७ नोव्हेंबरला सतीश गंभीर जखमी झाला. अपघातग्रस्त सतीशला न्यू इरात भरती करण्यात आले. सतीशवर उपचार सुरू झाले. न्यू इरातील डॉक्‍टरांनी सतीशचा जीव वाचवण्यासाठी शर्थीचे प्रयत्न सुरु केले. डोक्‍याला गंभीर दुखापत झाली. मेंदूवर आघात झाला. दोन दिवसानंतर उपचाराला दाद मिळत नसल्याचे डॉक्‍टरांच्या लक्षात आले. डॉक्टरांनी त्यांच्या नातेवाइकाला ही बाब लक्षात आणून दिली. त्यानंतर डॉक्टरांनी कुटुंबीयांना सतीश हा 'ब्रेनडेड' झाल्याचे सांगताच कुटुंबावर दु:खाचा डोंगर कोसळला. न्यू इरा रुग्णालय प्रशासनाने ब्रेनडेड झाल्याची माहिती विभागीय अवयवदान प्रत्यारोपण समितीचा अध्यक्ष डॉ. विभावरी दाणी, सचिव डॉ. रवी वानखेडे यांच्यासह यकृत प्रत्यारोपण समितीचे डॉ. सुधीर टॉमी, किडनी समितीचे डॉ. सी. पी. बावनकुळे, नागपूर झोन कोऑर्डिनेटर वीणा वाठोरे यांना दिली. त्यांच्या मध्यस्थीने सतीशचे वडील नारद बोपचे आणि काका हेमराज रहांगडाले यांचे अवयवदानासाठी समुपदेशन करण्यात आले. तरुण मुलाचे अस्तित्व कायम राहावे, या उद्देशाने अवयवदानाचा निर्णय घेतला. त्यांच्या या निर्णयाने तीन रुग्णांना जीवनदान मिळाले. आतापर्यंत उपराजधानीतील विभागीय अवयवदान समितीच्या पुढाकारातून देशाच्या कानाकोपऱ्यात अवयव निकामी झालेल्या ४० जणांना यकृत उपलब्ध करून दिले आहेत. त्यापैकी उपराजधानीत १३ यकृत प्रत्यारोपण झाले. यकृत आणि एका किडनीचे प्रत्यारोपण न्यू इरा हॉस्पिटलमध्ये झाले तर सतीशच्या दुसऱ्या किडनीचे प्रत्यारोपण वोक्‍हार्ट हॉस्पिटलमध्ये एका गरजू रुग्णावर करण्यात आले. न्यू इरातील यकृत प्रत्यारोपणतज्ज्ञ डॉ. राहुल सक्‍सेना यांच्यासह डॉ. वरुण महाबळेश्‍वर, डॉ. राजीव सिन्हा यांनी यकृत प्रत्यारोपण केले. तर डॉ. अमित देशपांडे, डॉ. रवि देशमुख, डॉ. एस. जे. आचार्य, डॉ. रोहित गुप्ता, डॉ. अनिल सिंग, डॉ. शीतल बन्सल यांनी किडनी प्रत्यारोपण केले. प्रत्यारोपण समन्वयक डॉ. अश्‍विनी चौधरी, डॉ. अमित मदान यांच्या मदताने दुहेरी प्रत्यारोपण यशस्वी झाले, असे न्यू इराचे संचालक डॉ. आनंद संचेती यांनी सांगितले. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2FStuyc