उद्योगांची वीज १५ ते २० टक्क्यांनी महागली!

sandeep.shinde@timesgroup.com ठाणे: मेक इन इंडिया, स्किल इंडिया यांसारख्या योजनांचा गाजावाजा होत असतानाच, उद्योगांवर वीज कोसळली आहे. विजेचे दर ३ ते ७ टक्क्यांनी वाढविल्याचे महावितरणतर्फे भासविले जात असले तरी हे बदल करताना औद्योगिक वीज ग्राहकांना मिळणारा 'पॉवर फॅक्टर इन्सेन्टिव्ह' सफाईदारपणे हिसकावून घेत, 'पॉवर फॅक्टर पेनल्टी' लादण्यात आल्याने उद्योगांची वीज तब्बल १५ ते २० टक्क्यांनी महागली आहे.महावितरणने तोटा भरून काढण्यासाठी १२ सप्टेंबर, २०१८ रोजी वीज नियामक आयोगाने दरवाढीस मंजुरी दिली आहे. नव्या दरपत्रकानुसार आकारलेली वीज बिले हाती पडल्यानंतर औद्योगिक वीज ग्राहकांना मोठा धक्का बसला आहे. वीज खरेदीचा खर्च सरासरी पाच रुपये प्रति युनिट असताना उद्योगांच्या पदरी (सर्व आकार, अधिभार, क्रॉस सबसीडी आणि दंडासह) पडणारी वीज तब्बल २० ते २२ रुपयांवर पोहोचली आहे. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2PeLKRw