येत्या १ जानेवारीपासून मारुती कार महागणार

नवी दिल्ली: तुम्हाला मारुती कार खरेदी करायची असेल आणि कार खरेदी करण्याचा तुमचा निर्णय होत नसेल तर ताबडतोब निर्णय घ्या. कारण येत्या नव वर्षापासून म्हणजे १ जानेवारीपासून मारुती कार महागणार आहे. तशी घोषणाच मारुती कार कंपनीने केली आहे.येत्या १ जानेवारीपासून मारुती कार महागणार असली तरी सध्या तरी कंपनीने ग्राहकांना मारुती कारवर डिस्काऊंट देण्यास सुरुवात केली असून एक्सचेंज ऑफरही दिली आहे. कारच्या इनपूटचा वाढता खर्च आणि विदेशी चलनाची अस्थिरता यामुळे मारुतीच्या किंमती वाढणार आहेत. या किंमतीत किती वाढ होणार आहेत, याचा खुलासा कंपनीने केलेला नाही. मात्र कंपनीच्या म्हणण्यानुसार, इन्ट्री लेव्हल हॅचबॅक Alto ८०० पासून ते एस-क्रॉस प्रीमियम क्रॉसओव्हरपर्यंतच्या किंमतीत वाढ होणार आहे. शिवाय Ciaz आणि Ertiga सारख्या बाजारात दाखल झालेल्या नव्या कारही महागणार आहेत.मारुती कंपनीप्रमाणेच इतर कंपन्यांनीही त्यांच्या कारच्या किंमती वाढवण्याची घोषणा केली आहे. जानेवारी २०१९मध्ये बीएमडब्ल्यू महागणार आहे. या शिवाय फोर्ड इंडिया त्यांच्या कारच्या किंमतीत १ ते ३ टक्क्यांनी वाढ करणार असून महिंद्रा आणि महिंद्रा कंपनीनेही त्यांच्या कारच्या किंमतीत नव्या वर्षापासून वाढ करण्याचा निर्णय घेतला आहे.मोबाईल अॅप डाउनलोड करा आणि राहा अपडेट

from Maharashtra Times https://ift.tt/2G9m4qf