ओळखपत्र द्या; गॅस मिळवा

'इंडियन ऑइल'तर्फे पाच किलो सिलिंडरसाठी विशेष योजना वृत्तसंस्था, नवी दिल्लीघरगुसी गॅसचा पाच किलो वजनाचा सिलिंडर आता सहज उपलब्ध होणार आहे. सार्वजनिक क्षेत्रातील इंडियन ऑइलतर्फे (आयओसी) ग्राहकांसाठी खास योजना सादर करण्यात आली आहे. या योजनेंतर्गत आता केवळ ओळखपत्र दाखवून गॅस उपलब्ध होणार आहे. त्यामुळे केवळ पैसे भरायचा अवकाश; पाच किलोचा गॅस उपलब्ध होणार आहे. 'इंडियन ऑइल'च्या अधिकृत ट्विटर अकाउंटवरून या योजनेची घोषणा करण्यात आली आहे. त्यानुसार ग्राहकाने आपल्या शहरातील 'इंडेन'च्या वितरकाकडे जाऊन पाच किलो स्वयंपाकाचा गॅस खरेदी करू शकणार आहे. पैसे देऊन आणि ओळखपत्र दाखवून पाच किलोचा गॅस ग्राहकांना उपलब्ध होणार आहे. उज्ज्वला योजनेंतर्गत सिलिंडर प्राप्त झालेल्या ग्राहकांकडून पुन्हा सिलिंडर भरला जात नसल्याच्या पार्श्वभूमीवर कंपनीने सामान्य ग्राहकांसाठी पाच किलोचा गॅस सिलिंडर उपलब्ध करून देण्यात येणार आहे. १४ किलोचा गॅस सिलिंडर जमा करूनही ग्राहकांना पाच किलोचा गॅस सिलिंडर घेता येणार आहे. विनिमय बाजारात डॉलरच्या तुलनेत रुपया मजबूत झाल्याने आणि आंतरराष्ट्रीय बाजारात एलपीजीच्या दरांमध्ये मोठ्या प्रमाणावर घट झाल्याने घरगुती गॅसच्या भावात घसरण झाली आहे. राजधानी नवी दिल्लीमध्ये विनाअनुदानित घरगुती सिलिंडर १३३.५० रुपयांनी स्वस्त झाला आहे. त्यामुळे जवळपास हजार रुपयांच्या आसपास पोहोचलेल्या घरगुती गॅस सिलिंडरचा भाव घसरून ८४६ रुपयांवर आला आहे. व्यावसायिक वापराच्या सिलिंडरच्या दरात २०२ रुपयांची घसरण नोंदविण्यात आली आहे. त्यामुळे आता व्यावसायिक वापराच्या (१९ किलो) सिलिंडरची किंमत १४७६.५० रुपयांवर पोहोचली आहे. घरगुती गॅस सिलिंडरच्या भावात घट झाल्याने सर्वसामान्य ग्राहक सुखावला आहे. जुलैपासून सातत्याने दरवाढघरगुती गॅसच्या सिलिंडरच्या दरात जुलै महिन्यापासून सातत्याने वाढ होत आहे. चालू आर्थिक वर्षाच्या जून महिन्यामध्ये घरगुती सिलिंडरची किंमत ७२४ रुपये होती. नोव्हेंबरमध्ये ती वाढून ९७९.५० रुपयांवर पोहोचली. याचाच अर्थ पाचच महिन्यात सिलिंडरच्या भावात २५५.५० रुपयांची वाढ नोंदविण्यात आली. त्याचप्रमाणे या पाच महिन्यात व्यावसायिक वापराच्या सिलिंडरमध्ये ३८७ रुपयांची वाढ नोंदवण्यात आली. जून महिन्यात १२९१ रुपयांना मिळणारा व्यावसायिक वापराचा सिलिंडर नोव्हेंबरमद्ये १६७८.५० रुपयांवर पोहोचला. मात्र, गेल्या दोन दिवसांत व्यावसायिक वापराच्या सिलिंडरची किंमत घटून १४७६.५० रुपयांवर पोहोचली आहे. योजना नेमकी काय?१. कोणत्याही 'इंडेन' वितरकाकडे जाऊन ओळखपत्र दाखवून ग्राहकाला पाच किलोचा गॅस सिलिंडर उपलब्ध होणार आहे. २. 'इंडियन ऑइल'च्या ट्विटनुसार ग्राहक आपल्या शहरातील कोणत्याही वितरकाकडे जाऊन गॅस घेऊ शकणार आहे. ३. ग्राहकाने दाखवायच्या ओळखपत्रामध्ये मतदार ओळखपत्र, आधार कार्ड आदींचा अंतर्भाव करण्यात आला आहे. ४. पाच किलो गॅसच्या सिलिंडरची किंमत शहरानुसार निर्धारित करण्यात येणार आहे. 'इंडियन ऑइल'च्या वेबसाइटनुसार भोपाळमध्ये पाच किलो विनाअनुदानित गॅस सिलिंडरची किंमत ३४३ रुपये आहे. ५. शहरातील कोणत्याही 'इंडेन' वितरकाकडे गॅस रिफिलिंगची सुविधा उपलब्ध होणार आहे. हे सिलिंडर 'बीआयएस' प्रमाणित असल्याने ते वाहतुकीसाठी सुरक्षित असल्याचा दावा करण्यात आला आहे. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2FSMwV5