खा. सावित्रीबाई फुलेंनी दिला भाजपचा राजीनामा

बहराइच :आपल्या वादग्रस्त विधानांमुळे कायम चर्चेत असणाऱ्या भाजपच्या खासदार सावित्रीबाई फुले यांनी पक्षाचा राजीनामा दिला आहे. यूपीतल्या बहराइच मतदारसंघातील खासदार फुले यांनी राजीनामा देताच पुन्हा एकवार भाजपवर हल्लाबोल केला. भाजप समाजात फूट पाडण्याचा कट करत असल्याचा आरोप त्यांनी केला. फुले यांनी पक्ष सदस्यत्वाचा राजीनामा दिला आहे. मात्र खासदार पदाचा कार्यकाळ पूर्ण होईपर्यंत आपण खासदारपदी कार्यरत राहू असंती त्यांनी स्पष्ट केले. जोपर्यंत जिवंत आहे, तोपर्यंत भाजपत पुन्हा परतणार नाही, असंही त्या म्हणाल्या. लखनऊ येथे एका पत्रकार परिषदेत त्यांनी राजीनाम्याची घोषणा केली आणि भाजप-आरएसएसवर टीकाही केली. 'दलित खासदार असल्याने भाजपने माझं म्हणणं कधी ऐकलं नाही, माझी नेहमी उपेक्षा झाली,' असं त्या म्हणाल्या. 'भाजप दलितविरोधी आहे. बाबासाहेबांच्या पुतळ्याची देशात अनेक ठिकाणी विटंबना झाली, पण भाजपने दोषींवर कारवाई केली नाही. भाजपचे बडे नेते देशाची घटना बदलण्याची भाषा करतात, पण आजपर्यंत खासगी क्षेत्रात एससी-एसटींसाठी आरक्षण लागू करण्याचं आश्वासन पूर्ण केलं नाही,' असे आरोप त्यांनी केले. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2RE5hx1