अखेरच्या आठवड्यात बँका चार दिवस बंद

ईटी वृत्ती, नवी दिल्लीचालू महिन्याच्या अखेरच्या आठवड्यामध्ये बँकांचे कामकाज चार दिवस बंद राहाणार आहे. बँक कर्मचारी संघटनेने २६ डिसेंबरला बंदची हाक दिल्याने नेहमीच्या सुट्यांमध्ये भर पडली आहे. २२ व २३ डिसेंबरला चौथा शनिवार व रविवारमुळे बँका बंद असतील. यानंतर २४ डिसेंबरला बँकांचे कामकाज सुरळीत सुरू असेल. २५ डिसेंबरला नाताळनिमित्त सर्वत्र सार्वजनिक सुटी असल्याने बँकांचे कामकाजही बंद असेल. नाताळलाच जोडून म्हणजे २६ तारखेला युनायटेड फोरम ऑफ बँक युनियन या बँक कर्मचारी संघटनेने संप पूकारल्याने त्या दिवशी बहुतांश बँकांच्या कामकाजावर परिणाम होण्याची शक्यता आहे. बँक ऑफ बडोदा, देना बँक आणि विजया बँक या बँकांच्या एकत्रीकरणाच्या निषेधार्थ बँक कर्मचारी संघटनांनी संप पूकारला आहे. या कालावधीत बँकांनी एटीएममध्ये पुरेशा चलनसाठ्याची तरतूद न केल्यास नागरिकांना काही प्रमाणात त्रास होण्याची शक्यता आहे. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2FVU6yh