विमानतळ सुरक्षेसाठी CISF श्वानांऐवजी 'रोबो'

नवी दिल्ली:विमानं स्फोटानं उडवून देण्याच्या धमक्या, स्फोटकं, अंमली पदार्थ आणि सोने तस्करीचे वाढलेले प्रमाण आदी आव्हानं सध्या हवाई वाहतुकीसमोर आहेत. विमानतळांच्या सुरक्षेची जबाबदारी असलेल्या सीआयएसएफनं (CISF) ही आव्हानं मोडून काढण्यासाठी सक्षम होण्याचा निर्धार केला आहे. त्यादृष्टीनं आता विमानतळांवर सीआयएसएफच्या श्वानांऐवजी रोबोटिक श्वान तैनात करण्यात येणार आहेत.सीआयएसएफकडे जर्मन शेफर्ड, लॅब्राडोर किंवा बेल्जियन मेलिनोइज आदी जातींचे श्वान आहेत. तसंच विमानतळांवरील सुरक्षा ही मनुष्यबळावर अधिक अवलंबून आहे. पण आता या दलानं अधिक तंत्रसक्षम होण्याचा विचार केला आहे. त्यादृष्टीनं विमानतळांवर सुरक्षेसाठी रोबोटिक श्वान तैनात करण्यात येणार आहेत. हे श्वान विमानतळांवर येणाऱ्या प्रवाशांजवळील बॅग डोळ्यांद्वारे एक्स-रे स्कॅन करून त्यातील स्फोटकांचा माग काढू शकतात, अशी माहिती सीआयएसएफमधील सूत्रांनी दिली. कॅनडामध्ये नुकत्याच झालेल्या जागतिक हवाई सुरक्षा परिषदेत याबाबत चर्चा झाली. या परिषदेला सीआयएसएफचे महासंचालक राजेश रंजन आणि अतिरिक्त महासंचालक एम. ए. गणपती उपस्थित होते. सध्या तरी अशा प्रकारचे रोबोटिक श्वान हे ब्रिटन, अमेरिका, कॅनडा, जपान आणि कोरिया आदी देशांतील विमानतळांवर तैनात करण्यात आले आहेत.बातमी इंग्रजीत वाचण्यासाठी क्लिक करा मोबाईल अॅप डाउनलोड करा आणि राहा अपडेट

from Maharashtra Times https://ift.tt/2rlnJi4