तेलंगण: कर्जमाफी, लॅपटॉप आणि गायी वाटप

वृत्तसंस्था, हैदराबादशेतकऱ्यांना दोन लाख रुपयांपर्यंत कर्जमाफी, पदवीचे शिक्षण घेणाऱ्या विद्यार्थ्यांना मोफत लॅपटॉप, दारूविक्रीवर नियंत्रण, दर वर्षी एक लाख लोकांना मोफत गायी वाटप, पैसा आणि इतर कारणांनी सक्तीने होणारे धर्मांतर रोखणे, ही प्रमुख आश्वासने भाजपने तेलंगणमधील जनतेला दिली आहेत. तेलंगण विधानसभेसाठी सात डिसेंबर रोजी मतदान होत असून, गुरुवारी भाजपचे प्रदेशाध्यक्ष के. लक्ष्मण यांनी भाजपचा जाहीरनामा प्रसिद्ध केला. त्यात सर्व वर्गांसाठी व घटकांसाठी भाजपकडून आश्वासने देण्यात आली आहेत.जाहीरनाम्यातील आश्वासने- राज्यात बेकायदा राहात असलेल्या रोहिंग्या आणि बांगलादेशींना परत पाठविणार.- प्रत्येक शेतकऱ्यांना उत्तम दर्जाची बियाणे आणि बोअरवेल किंवा पंपसेट मोफत देणार. - पदवीच्या विद्यार्थ्यांना मोफत लॅपटॉप.- सातवी ते दहावीपर्यंतच्या विद्यार्थिनींना मोफत सायकल देणार.- पदवी आणि पदव्युत्तर शिक्षण घेत असलेल्या विद्यार्थिनींना दुचाकी खरेदीसाठी ५० टक्के सबसिडी देणार.- सर्व पात्र गरिबांना २०२२ पर्यंत मोफत घरे देणार. पक्की घरे मिळेपर्यंत घराच्या भाडेपोटी दर महिन्याला ५ हजार रुपयांची आर्थिक मदत करणार. - प्रत्येक तालुक्यात जेनेरिक औषध केंद्र उभारणार.- बेरोजगार तरुणांना दरमहा ३,११६ रुपये भत्ता देणार.- महिला कल्याणासाठी 'सौभाग्य लक्ष्मी' योजनेंतर्गत गरीब महिलांच्या विवाहासाठी एक लाख रुपये व एक तोळा सोन्याची तरतूद करणार. - ज्येष्ठ नागरिकांना कैलास मानसरोवर, काशी आणि पुरी येथील दर्शनासाठी सबसिडी देणार. - सण व इतर उत्सवादरम्यान दरवर्षी एक लाख लोकांना मोफत गायींचे वाटप करणार.- राज्यात राहणाऱ्या मल्याळी, तमिळ, कन्नड, मराठी, गुजराती, पंजाबी, बंगाली, ओडिया आणि हिंदी भाषकांसाठी 'भाषा संकुल' उभारण्यासाठी १०० कोटींची तरतूद करणार.- मद्यविक्रीकडे उत्पन्नाचे स्रोत म्हणून न पाहता, त्यावर नियंत्रण आणण्यात येईल. त्यासाठी मद्यविक्रीसाठी वेळेचे निर्बंध असेल. - कायदा व सुव्यवस्थेसाठी मोठ्या प्रमाणात सीसीटीव्ही कॅमेरे बसविण्यात येतील.- अल्पसंख्याकांच्या कल्याणासाठी केंद्र सरकारच्या योजनांची प्रभावी अंमलबजावणी करणार. वक्फ बोर्डाच्या जमिनींचे संरक्षण करणार. मदरशात कॉम्प्युटर प्रशिक्षण, कौशल्य विकास आदी योजना राबविणार. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2PblveI