चित्रकार बार्तोलोम यांना गुगलची 'चित्रांजली'

मुंबई:जगप्रसिद्ध स्पॅनिश चित्रकार बार्तोलोम एस्तेबान मुरिलो (Bartolomé Esteban Murillo) यांच्या ४०० व्या जयंतीनिमित्त गुगलनं त्यांना चित्रमय अभिवादन केलं आहे. बार्तोलोम एस्तेबान मुरिलो यांच्या कलेतून साकारलेल्या चित्राचं डुडल तयार करून गुगलनं त्यांच्या कलेला सलाम केला आहे. सन १६५५-५०च्या दशकात बार्तोलोम यांनी रेखाटलेलं हे चित्र सध्या 'वॉशिंग्टन नॅशनल गॅलरी ऑफ आर्ट'च्या चित्रसंग्रहात आहे.बार्तोलोम यांचा जन्म स्पेनमधील सविले या शहरात झाला. त्यांनी त्यांच्या काकांकडून चित्रकलेचे धडे घेतले होते. बार्तोलोम यांनी स्थानिक जत्रेत त्यांच्या चित्रांची विक्री करण्यास सुरुवात केली होती. धार्मिक चित्रांसाठी ते प्रसिद्ध होते. त्यांनी रेखाटलेली स्त्रियांची आणि लहान मुलांची चित्रं विशेष लोकप्रिय झाली. बार्तोलोम यांची अनेक चित्रे पीटर्सबर्गच्या संग्रहालयात जतन करण्यात आली आहेत. १६४५मध्ये त्यांना खऱ्या अर्थानं प्रसिद्धी मिळाली. स्पेनमधील एंडालुसियन या प्रांताचे ते रोजच्या जीवनाचे चित्र रेखाटायचे. या चित्रांमुळं ते प्रकाशझोतात आले होते. ३ एप्रिल १६८२मध्ये वयाच्या ६४ व्या वर्षी बार्तोलोम यांचं निधन झालं.मोबाईल अॅप डाउनलोड करा आणि राहा अपडेट

from Maharashtra Times https://ift.tt/2TPglsq