फेसबुकमध्ये वर्णभेद होतो; आरोपामुळं खळबळ

सॅन फ्रान्सिस्को: जगातील सगळ्यात मोठी सोशल नेटवर्किंग साइट असलेल्या फेसबुकमध्ये कृष्णवर्णीयांना स्थान नसून फेसबुक वापरणाऱ्या कृष्णवर्णीयांना चांगली वागणूक दिली जात नाही असा आरोप फेसबुकचे माजी स्ट्रॅटेजिक पार्टनर मॅनेजर मार्क लुर्की यांनी केला आहे. फेसबुक सोडण्याच्या एक दिवस आधी हा संदेश त्यांनी फेसबुकच्या सर्व कर्मचाऱ्यांपर्यंत पोहोचवला. मार्क लुर्की हे फेसबुकचे स्ट्रॅटेजिक मॅनेजिंग पार्टनर होते. एका महिन्यापूर्वी त्यांनी फेसबुकला सोडचिठ्ठी दिली. पण त्यांच्या शेवटच्या दिवशी फेसबुकमध्ये कृष्णवर्णीयांना होणाऱ्या त्रासाबद्दल खुलासा केला. सर्व कर्मचाऱ्यांना लिहिलेल्या पत्रात ते लिहितात,'मी फेसबुकमध्ये कधी एकही कृष्णवर्णीय कर्मचारी पाहिला नाही. फेसबुकमध्ये आजही कृष्णवर्णीयांपेक्षा श्वेत वर्णीयांना जास्त महत्त्व दिलं जातं. तसंच फेसबुक वापरणाऱ्या श्वेत वर्णीयाने एखाद्या कृष्णवर्णीयाला रिपोर्ट केलं तर त्यावर लगेच कारवाई होते. पण कृष्णवर्णीयांच्या तक्रारींची दखल घेतली जात नाही.' फेसबुकच्या ग्राहकांमध्ये श्वेतवर्णीयांपेक्षा कृष्णवर्णीयांचे प्रमाण जास्त असून देखील कृष्णवर्णीयांसोबत भेदभाव केला जातो. फेसबुकने जाहीर केलेल्या आकडेवारीनुसार फेसबुकमध्ये केवळ ४ टक्के कृष्णवर्णीय कर्मचारी आहेत. २०१६पर्यंत हेच प्रमाण फक्त २ टक्के होते. मोबाईल अॅप डाउनलोड करा आणि राहा अपडेट

from Maharashtra Times https://ift.tt/2AvLh8g